واجب

العزيزه مؤنسة قرص الشمس دبستني في الواجب ده منك لله ربنا يسامحك
أذكر 6 أسرار قد لا يكتشفها من يقابلك أول مرة ؟؟؟قوانين الواجب:1. أذكر اسم من طلب منك حل هذا الواجب2. أذكر القوانين المتعلقة بهذا الواجب3. تحدث عن ستة أسرار قد لا يكتشفها من يقابلك للمرة الأولى..4. حول هذا الواجب إلى ستة مدونين،وأذكر أسماءهم مع روابط مدوناتهم في موضوعك.5. اترك تعليق في مدونة من حولت الواجب عليهم، ليعلموا عن هذا الواجب
نبدأ وربنا يستر واعرف احل وادبس معايا ناس تانيين اشمعني انا اللي ادبس لازم ادبس معايا ناس تانيين(مني لله) انا بضحك ضحكة الاشرار دلوقتي
بالنسبة للاسرار اللي مش هيعرفها عني من يقابلني للمره الاولي فهو بصراحه مش هيعرف عني حاجه لأني مش بتكلم كتير مع الشخص اللي اول مره اشوفه بحب اسمع اكتر لأن كتر الكلام يجيب مشاكل وصداع وده قال وده عاد وحاجات من دي
اولا مش هيعرف اني بحب القراءة والكتابة
ثانيا مش هيعرف ان السلفيين كفروني اكتر من مره
ثالثا مش هيعرف اني طيب وعصبي في نفس الوقت-ده كلام اصحابي مش كلامي- بيقولوا ان الطيبين بيكونوا حساسين علشان كده انا عصبي
رابعا الكلام خلص اكيد هيعرف اني لابس نظاره(عوينات يعني)لأنها ملزوقه في وشي
ايه تاني قولوا معايا ايه تاني مش هيعرف اني بكره الحلاوه الطحنيه والطحينه لأنه عمري ما شافني باكل.
خامسا مش هيعرف اني بدور علي دار نشر تنشرلي الروايه بتاعتي اللي تعبت من رفض دور النشر لها بدعوي احتوائها علي مشاهد جنسيه او لأنها روايه غير مفهومه تتحدث عن احداث تدور داخل ذهن الكاتب فقط.
سادسا مش هيعرف اني متضايق منه لأنه رغاي وبيتكلم عن نفسه كتير وبيهزر معايا زي ما اكون صاحبه من قرنيين لأنه ببساطه مدخلش جوه دماغي
يارب اكون اجبت نص نص او ربع ربع حتي
جينا للتدبيس وانا بضحك ضحكة الاشرار هادبس
ا- اسماء الشيخ صاحبة مدونة كلام وخلاص http://kalam-w-khlas.blogspot.com/
2-اوفيليا صاحبة مدونة احلام اليقظه http://ahlamyaqzablogspot.blogspot.com/
3-رؤيه صاحبة مدونة تنهيده
http://tanheda.blogspot.com
4-نعكشه صاحبة مدونة نعكشه http://hagat-keda.blogspot.com
5- اسراء بكر صاحبة مدونة دواير

http://dwayer.blogspot.com/

6-مذكرات كشكول المورق صاحبة مدونة مذكرات كشكول المورق

http://mysoulsoaad.blogspot.com